Porsche E 2porschemissione 70porschemissionePorsche hefur staðfest að framleiðsla verði hafin á afar athyglisverðum rafbíl, sem kynntur var í tilraunaútgáfu á bílasýningunni í Frankfurt fyrr á þessu ári.  Porsche Mission E er fjögurra sæta, fjórhjóladrifinn og fjórhjólastýrður rafbíll með rafmótara bæði á fram- og afturöxlum.  Tilraunabíllinn er 600 hestafla og hröðunin er 3,5 sekúndur í hundraðið og hámarkshraði er yfir 250 km/klst.  Hægt er að hlaða bílinn á 15 mínútum í 80% af fullri hleðslu.  Bíllinn er afar glæsilegur að utan sem innan.
Porsche er hluti af Volkswagen samsteypunni og samkvæmt fréttum er þessi glænýji Porsche hluti af víðtækri stefnu móðurfélagsins sem er að koma með fleiri en 20 bíla á markað sem eru rafknúnir annað hvort að fullu eins og Mission E eða E-Golf, eða hluta til eins og Golf GTE eða Audi e-tron.

 

Comments

comments