Fréttablaðið slær upp þessari fyrirsögn „Segir einkastofur ógna öryggi sjúklinga“ og vísar hér til ummæla Landlæknis. Þetta eru pólitískir útúrsnúningar, hið rétta kemur fram í frétt fréttablaðsins fyrir neðan fyrirsögnina. Þar segir:

„Birgir Jakobsson landlæknir segir þróun íslensks heilbrigðiskerfis síðustu árin ógna öryggi sjúklinga. Stóraukin einkastofustarfsemi sérfræðilækna skapi þá ógn.

„Við erum með kerfi sem gerir það að verkum að sérfræðingar og læknar dragast frá Landspítala í stofu­praxís í of miklum mæli að mínu mati sem þýðir að sérfræðingar verja of litlum tíma á LSH. Þar með er öryggi sjúklinga stofnað í hættu,“ segir Birgir.

Útgjöld ríkisins til heilbrigðismála hafa aukist um 40 prósent til einkageirans en á sama tíma hefur orðið raunlækkun á framlögum í opinbera heilbrigðisþjónustu. Til að mynda hefur Landspítalinn gefið það út að mikla fjármuni vanti í fjármálaáætlun ríkisstjórnarinnar til að standa undir þeirri þjónustu sem sjúkrahúsið þarf að sinna á næstu árum.

„Ég bendi á að yfir helmingur sérfræðilækna á LSH er einnig í einhvers konar einkastarfsemi. Það er mjög óeðlilegt frá sjónarhorni sjúkrahússins og sjúklinga,“ segir Birgir. „Öryggi þeirra er í hættu vegna þess að á meðan sérfræðingar eru á stofu eru þeir ekki að sinna veikustu sjúklingum kerfisins sem liggja á spítala. Þá eru það unglæknar eða kandídatar sem halda uppi þeirri starfsemi auk hjúkrunarfræðinga.““

Landlæknir er hér að segja að stjórnvöld hafa brugðist og byggt upp kerfi þar sem að læknar kjósa að vinna bæði hjá sjálfum sér og inni á Landspítalanum. Það þýðir að þeir eru ekki ávalt til staðar til þess að sinna þeim sjúklingum sem mesta þjónustu þurfa inni á spítalanum.

Hér er því um stjórntæknilegt vandamál að ræða sem þarfnast pólitískrar úrlausnar. En hefur ekkert með einkarekstur eða ríkisrekstur að gera.

Því hefur Fréttablaðið, væntanlega í pólitískum tilgangi ákveðið að segja ósatt.

Mynd: Skjámynd af vef visir.is

Comments

comments