Björgvin Guðmundsson

Björgvin Guðmundsson

Björgvin Guðmundsson ritar blog pistil sem vakið hefur mikla athygli. Í pistli hans kemur fram að eignaupptaka á sér stað gagnvart þeim eldri borgurum sem fara á hjúkrunarheimili. Það er mat lögfræðinga að mannréttindabrot séu framin á þessum hópi fólks. Höfum hugfast að þetta er sá hópur sem lagði grunninn að velferð okkar. Björgvin ritar:

„Þegar eldri  borgari fer á hjúkrunarheimili gerir Tryggingastofnun ríkisins lífeyri hans „upptækan“ til greiðslu kostnaðar við dvölina á hjúkrunarheimilinu.Þetta er líkast eignaupptöku.Þeir,sem hafa meira en rúmar 74 þúsund í tekjur, mega sæta því,að það sem umfram er sé af þeim tekið fyrir dvalarkostnaði þar til náð er markinu tæpar 355 þúsund krónur.Þar stöðvast „eignaupptakan“.Síðan er eldri borgurunum skammtaðir vasapeningar,53 þúsund krónur að hámarki  en þessi greiðsla er tekjutengd.

Eldri borgararnir,sem fara á hjúkrunarheimili, eru ekki spurðir að því hvort þeir samþykki að lífeyrir þeirra sé tekinn af þeim í framangreindum tilgangi. Nei,þeim er einfaldlega tilkynnt þetta.Á hinum Norðurlöndunum er annar háttur hafður á. Þar fá eldri borgararnir lífeyrinn í sínar hendur en síðan greiða þeir sjálfir eða aðstandendur kostnaðinn við dvölina á hjúkrunarheimilinu.

Það er mat lögfræðinga,að það sé mannréttindabrot að rífa lífeyrinn af eldri borgurum á þennan hátt.

Við ættum að hafa sama hátt á þessu og á hinum Norðurlöndunum.Við þurfum að breyta þessu strax það er niðurlægjandi fyrir eldri borgara að þurfa að sæta því fyrirkomulagi,sem nú er viðhaft.“ segir Björgvin

Þetta er ekkert nýtt, reglulega síðasta áratuginn hafa komið fram aldraðir einstaklingar sem skýrt hafa frá högum sínum og leitt fram þennan ljóta leik sem stundaður er gagnvart öldruðu fólki.

Comments

comments